DUHA ka construction worker ang kompirmadong nangamatay human sa giingong pagkatagak sa gondola gikan sa ibabaw sa gitukod nga hotel and casino sa South Road Properties (SRP) sa Martes sa alas 9 pasado sa buntag, Septiyembre 21, 2021.
Si Police Major Dindo Alaras, hepe sa Mambaling Police Station, niila sa mga biktima nga sila si Junnel Tunda-an,28, steelman, taga Sudlon, Lahug, Dakbayan sa Sugbo ug Richard Dabadol Jr, 39.
Way media nga gipasulod sa site apan nasayran nga ang gondola nga susama og elevator nahunlak gikan sa ika 14 nga andana sa edipisyo.
Bisan ang mga rescue personnel sa Cebu City Disaster Risk Reduction and Management Office (CCDRMO) wa pasudla sa gwardya, matod sa pangu, Ramil Ayuman.
Dugang ni Ayuman nga ang gipasulod lang mga pulis.
Mga alas 10 pasado na sa buntag nahibaw-an ang trahedya.
Pagka alas 2 sa hapon una pa gipasulod si Cebu City Councior Dave Tumulak ug taga Office of the Building Official (OBO) nga taudtaud nang gahuwat sa gawas.
Matod ni Tumulak sa Superbalita Cebu nga iyang ipatawag ang contractor kay suma sa iyang nahibaw-an, ikatulo na nahitabo nga dunay disgrasya sa construction site. (GPL)
‘Elevator’ nahunlak; 2 ka construction worker namatay
Source: Sonstar
0 Comments