Gibasura sa National Basketball Association (NBA) ang hangyo ni Goldn State Warriors forward Andrew Wiggins nga tugotan siyang makaduwa sa ilang balwarte sa San Francisco bisan wala siya’y bakuna batok sa Covid-19.
Ang desisyon gibuhian sa NBA pipila ka mga iras human mianunsyo ang New York Knicks nga nabakunahan na ang tanan nilang mga magduduwa.
Ang regulasyon sa New York ug San Francisco kabahin sa Covid-19 nagsaad nga dili tugtan ang Knicks, Brooklyn Nets ug Warriors nga makaduwa ang ilang mga magduduwa sa ilang tagsatagsa ka home arena kon wala pa mabakunahi.
Si Wiggins kinasingkasing nga nihangyo sa NBA nga tugotan siyang makaduwa gumikan kay wala siya’y plano nga magpabakuna apan gisalikway kini sa liga.
“The NBA has reviewed and denied Andrew Wiggins’ request for religious exemption from the San Francisco Department of Public Health’s order requiring COVID-19 vaccination for all participants age 12 and older at large indoor events,” opisyal nga pamahayag sa NBA.
“Wiggins will not be able to play in Warriors home games until he fulfills the city’s vaccination requirements.”
Giklaro nang daan sa San Francisco Department of Public Health nga wala’y bisan usa ang hatagan nila og exemption sa ilang lagda batok sa Covid-19.
“Under the current order, if unvaccinated, they cannot enter indoor areas regardless of the reason they are unvaccinated and cannot test out of this requirement even if they have a medical or religious exemption,” pamahayag sa SFDPH.
Sa ubang mga lugar, tugotan ra sa NBA nga makaduwa ang mga magduduwa nga wala’y bakuna apan mosubay kini sa mas hugot nga restriksyon kumpara sa mga nabakunahan na. (AP)
Wa’y bakuna, wala’y duwa
Source: Sonstar
0 Comments