ANG Cebu City Government magsugod na og rehistro sa mga bata nga mag-edad og 12 anyos hangtod 17 anyos aron mabakunahan batok sa coronavirus disease 2019 (Covid-19).
Si Acting Mayor Michael Rama nagkanayon nga adunay igong suplay sa bakuna ang Cebu City ug ipahibawo ra unya ang vaccination sites diin mahimong makapabakuna ang mga batan-on nga nahisakop sa mao nga mga edad.Ang mga ginikanan o kabataan mahimong mo-log in sa Pabakunata.com ug mopili sa portal nga minor nga naa sa wala nga bahin.
Didto ilang makita ang vaccination information management system online registration-minor ug blankohan lang ang quick search nga color blue nga adunay nakabutang nga VIMS Cebu vaccine card ID no, if vaccinated ug ang last name ug diretso na sa pag-fill-up sa parent/guardian information ug i-click ang register child kon mahuman na sa pag fill-up.
Si Dr. Jeffrey Ibones, pangulo sa City Health Department, nibana-bana nga adunay kapin o kulang 160,000 ka mga batan-on nga nag-edad og 12 ngadto sa 17 anyos ang pangidaron nga nagpuyo sa Cebu City.
Ang pangulo sa City Health Department niingon nga dili pa sila makahatag og petsa kon kanus-a magsugod og pamakuna ang City Government sanglit naghuwat pa sila sa final nga guidelines gikan sa national government.(PAC)
Cebu City magsugod nag rehistro sa 12-17 anyos alang sa bakuna sa Covid-19
Source: Sonstar
0 Comments