Didal naay bag-ong desinyo sa sapatos

ADUNAY bag-ong desinyo sa sapatos nga gipagawas si Cebuana Olympic skateboader Margielyn Didal kaabag ang sports apparel brand New Balance.

Ang desinyo sa iyang NB Numeric 272 gibasi sa Cebu delicacy nga “puso,” nga gibaligya ni Didal kaniadto dihang bata pa siya.

Ang kilid sa sapatos adunay hulagway nga sama sa putos sa puso nga ginama gikan sa dahon sa lubi.

Sa video nga gi-post New Balance Facebook page, nagkanayon si Didal nga kon hikapon ang maong desinyo, daw sama og naghikap ka sa usa ka puso.

Si Didal, 7th placer sa miaging Tokyo Olympics, nakadesinyo na og New Balance Numeric niadtong Abril, 2020 nga adunay mga kolor nga red, yellow, ug blue nga pulos naa sa bandera sa Pilipinas. (ESL)

Didal naay bag-ong desinyo sa sapatos
Source: Sonstar