Tungod kay wa kontra sa iyang pagdagan isip representante sa unang distrito sa lalawigan sa Sugbo sa Ubos Balauranan, si Mayor Gerald Anthony “Samsam” Gullas dunay dakong panahon nga magugol sa pagtabang sa kandidatura sa iyang asawa nga si Rhea.
Matod ni Samsam nga mao kini ang gisulti ni Kongresista Eduardo Gullas kaniya dihang iya kining gibisita ug ang iyang “Mama Inday,” asawa sa kongresista.
“Pag ingon nako og “Pa, salamat sa Ginuo, wala koy kontra”. All he said in return was, “maayo para makatabang gyud ka ni Rhea,” matod ni Samsam sa iyang post.
Ang iyang asawa ni-file sa certificate of candidacy (COC) niadtong Biyernes, Oktubre 8.
Kaatbang ni Rhea mao si Bise Mayor Alan Bucao nga ilang kanhi kaalyado sa Alayon Party, apan nibiya ug nagtukod og iyang partido human giingong wa tumana sa mga Gullas ang saad kaniya.
Nagpasalamat si Samsam sa Ginuo ug mga lider sa unang distrito nga wa siyay bisan usa nga kaatbang, nga nagseguro na sa iyang kadaugan.
“Magpasalamat ko sa atong Labing Makakagahum, our Lord God, for this moment. Siya gyud ang makabuot sa tanan, siya gyud ang nagbuot aning tanan. Second, I would also like to thank our leaders in the District, especially our mayors. It is because of them and their strength in their respective LGU’s that I run unopposed,” dugang ni Samsam.
Nagpasalamat usab siya sa iyang “Papa Eddie” nga mag 91 anyos na sunod semana ug moretiro na pulitika human sa eleksyon sa 2022.
Siya nagtuo nga tungod sa mga nabuhat niining mga proyekto ug nakapahimong siyudad sa Talisay, Naga ug San Fernando, gitahod siya sa mga pangu sa mga local government unit (LGU) nga dako og natabang nga wa siya mabutangi og kaatbang. (REV)
Kay way kontra, Samsam motabang ni Rhea
Source: Sonstar
0 Comments