Mas sayon na unya sa mga taga Dakbayan sa Talisay sa pagbiyahe sa Dakbayan sa Sugbo, labina sa mga nagtrabaho sa Cebu IT Park, kay duna na silay dugang kasakyan nga pampublikong mga sakyanan.

Mokabat sa 15 ka modernong Mango Jeep ang modagan sa mga rota sa Talisay ning semanaha, matod ni Talisay City Mayor Gerald Anthony “Samsam” Gullas.

Matod ni Gullas, kinsa gidapit sa blessing ug launching, nga motadlas ang mga modern jeeepney sa Dakbayan sa Talisay agi sa Gaisano Tabunok-Tisa Banawa-Escario Lahug ug vice versa.

Adto kini manukad sa Poblacion duol sa Talisay City Colllege dayon sa Dumlog, paingon sa Brgy. San Isidro, Tabunok, Bulacao, Pardo, Basak, Punta Princesa, Salvador Extension, Banawa, M. Velez, Escario, Lahug, JY Square ug I.T Park Terminal ug pabalik.

“I hope nga atong mga kaigsoonang Talisaynon dili na gyud maglisud sa pagpangitag sakyanan on their way to work especially our Talisaynons working in Cebu City,” matod ni Gullas.

Base sa iyang social media post, si Gullas nipahibawo kon tagpila ang pletihan.



15 ka bag-ong modern PUJ nadugang sa Talisay City
Source: Sonstar