Kinse ka mga barangay kapitan sa siyudad sa Sugbo gipahimangnoan sa kapulisan sa pagpahugot sa pagpatuman sa pagsirado sa mga internet café sa ilang mga barangay nunot sa kadaghan sa mga menor de edad nga nangadakpan matag gabii sa Oplan Bulabog.
Kon aduna pay mga bata nga masakpan sulod sa internet café matag gabii, ang kapulisan mapugos na sa pagsumbong sa Department of the Interior and Local Government (DILG).
Tungod niini, matod ni Police Colonel Josefino Ligan, hepe sa Cebu City Police Office (CCPO) nga kon padayon nga way buhaton ang mga barangay official sa mga internet café ,moduso silag report ngadto sa DILG aron adto na sila manubag.
“Katong atong gi mention nga if ever naa pa gyuy minors in this coming days nga madakpan diha sa inyong barangay, we will be compelled to make a formal report it will be address to the city director DILG kung unsay makita sa DILG didto na sila managot,” dugang ni Ligan.
Sigun ni Ligan nga sukad pa niadtong Agusto 1-15, daghan na silag mga menor de edad nga nadakpan nga bisan sa lawom na nga gabii, naa pa sa gawas nag laroy-laroy nga mahimong magamit usab sila sa krimen.
Matag semana, aduna silay gihimong assessment uban ang mga barangay kapitan sa dakbayan sa Sugbo ug nasayod na sila unsa ka problema ang mga batan-on sa matag dapit. (AYB)
0 Comments