ANG Partido Demokratiko Pilipino–Lakas ng Bayan (PDP-Laban), ubos sa Cusi faction, nagduso kang Senador Christopher “Bong” Go isip standard bearer alang sa 2022 presidential elections.
Apan, matod ni Go sa iyang suwat sa PDP-Laban president nga pinetsahan og Agusto 30, nga siya opisyal nga nibalibad sa tanyag sa National Executive Committee (NEC) sa ruling party nga nagduso kaniya nga kandidato sa pagka presuidente uban kang Presidente Rodrigo Duterte, kinsa ilang gituboysa pagka bise presidente,
“I am deeply honored by the trust and confidence of the members of the NEC in my capability to run for the presidency this coming 2022 elections. For a simple man who hails from a city in the South, the endorsement alone by esteemed members and officers of the NEC is a great personal honor for me,” tipik sa suwat ni Go.
“As much as I wish to respond to the clamor of many of our partymates, I most respectfully decline the said endorsement. As I have said many times before, I am not interested in the presidency,” dason niya.
Ang suwat gipagawas human ang PDP-Laban NEC nisagop sa Resolution 5, series of 2021, niadtong Agusta 4, nga nagtuboy kang Go isip presidential candidate kauban ni Presidente Duterte nga pwesto sa pagka bise presidente.
Isip chair sa Senate Committee on Health, si Go nagkanayon nga kini ang iyang tutokan ning panahona ug hatagan og atensiyon sa pagtabang sa kagamhanan ug katawhan batok sa pandemiya sa Covid-19.
Sa panapos sa iyang suwat, si Go nagkanayon nga iyang gisangon ang kaugmaon sa pulitika ngadto sa mga kamot sa Ginuo.
Si Alfonso G. Cusi, sa iyang suwat-tubag sa samang adlaw, niingon nga nakasabot siya sa posisyon ni Go apan, ang partido nagdeterminar pa bahin sa pagduso kaniya isip kandidato sa labing taas nga posisyon sa umaabot nga eleksiyon.
“We trust and believe in your leadership qualities–which, among others, are: humility, sincerity, strong political will, honesty, good sense of justice, and innate goodness and goodwill towards your fellowmen, as exemplified by your Malasakit Centers,” matod ni Cusi sa iyang suwat.
Ang Malasakit Center maoy kutay sa one-stop-shop centers alang sa medical ug financial assistance gikan sa nagkalainlaing ahensiya sa kagamhanan.
Si Go maoy nagsugod sa maong programa dihang special assistant pa sa Presidente. Ang unang Malasakit Center niabli sa Pebrero 2018.
Dihang si Go napili nga senador sa 2019, gipadayon niya ang pagpalambo sa Malasakit Center, nangamahan sa balaudmon sa Senado nga naghimong institusyon sa sentro.
Ug si Duterte nilagda niini nga balaud sa Disyembre 3, 2019 , ang Malasakit Center Act, o naila nga Republic Act 11463.
Isip balaud, ang kagamhanan giobligar sa pagtukod og Malasakit Centers sa tanang ospital ubos sa Department of Health (DOH) ug Philippine General Hospital. Ang Philippine National Police (PNP) gitugpotan usab sa pagtukod sa samang pasilidad.
Si Duterte nidawat na sa nominasyon sa PDP-Laban isip vice presidential candidate sa 2022 elections, apan nagkanayon nga andam mosibog sa pagka bise presidente kon ang iyang anak nga si Davao City Mayor Sara Duterte-Carpio hingpit nang mohukom nga mokandidato sa pagka presidente sa nasod sa sunod tuig. (PR)
0 Comments