Mga nabakunahan nga gi-Covid miabot na sa 3,195

ANAA na sa 3,195 ka indibidwal nga nabakunahan ang nagpositibo sa coronavirus disease (Covid-19) sa Cagayan de Oro City.

Matud sa City Health Office, sa maong 3,195 nga mga vaccinees, 2,000 niini ang mga nabakunahan na sa Sinovac vaccine, 610 ang nabakunahan sa AstraZeneca, 220 ang nabakunahan sa Pfizer, 181 ang nabakunahan sa Sputnik V, tulo ang nabakunahan sa Sinopharm, 177 ang nabakunahan sa Janssen, ug upat ang nabakunahan sa Moderna.

Sa 2,000 nga Sinovac vaccinees, 1,558 ang nakasinati og mild nga sintomas, 310 ang mga asymptomatic, 125 ang mga nakasinati og moderate nga sintomas, ug pito ang mga severe nga kaso.

Sa 610 nga AstraZeneca vaccinees, 449 ang nakasinati og mild nga sintomas, 117 ang mga asymptomatic, 41 ang mga nakasinati og moderate nga sintomas, ug tulo ang mga severe nga kaso.

Sa 220 nga Pfizer vaccinees, 158 ang nakasinati of mild nga sintomas, 53 ang mga asymptomatic, ug siyam ang nakasinati og moderate nga sintomas.

Sa 181 nga Sputnik V vaccinees, 144 ang nakasinati og mild nga sintomas, 22 ang mga asymptomatic, ug 15 ang mga nakasinati og moderate nga sintomas.

Sa tulo ka Sinopharm vaccinees, duha ka mga indibidwal ang nakasinati og mild nga sintomas ug usa ang asymptomatic.

Sa 177 ka Janssen vaccinees, 130 ang mga nakasinati og mild nga sintomas, 27 ang mga asymptomatic, ug 20 ang nakasinati og moderate nga sintomas.

Ug sa upat ka Moderna vaccinees, tulo ang mga asymptomatic ug usa ang nakasinati og mild nga sintomas.

Kasamtangan, sa 3,195 ka mga coronavirus-positive nga vaccinees, 1,855 ka mga indibidwal ang fully-vaccinated.