PASAKAAN og kaso sa enforcer sa Traffic Enforcement Agency of Mandaue (Team) ang nanukmag niya nga drayber sa city administrator sa Dakbayan sa Mandaue.
Sa usa ka pakighinabi niingon si Nathaniel Mendoza, ang traffic enforcer, nga desidido siya nga pasakaan niya og reklamo batok ni Mark Lester Santos.
Sigon niya nga sa 11 ka tuig niya nga pagserbisyo isip traffic enforcer karon pa siya nakasugat nga adunay nanukmag niya.
Matod ni Mendoza nga magkuha na unya siya og police report sa Basak Police Station aron mapadayon ang kaso batok kang Santos.
Sukad sa Agosto 25, 2021 wala na naghimamat sila si Santos ugMendoza.
Gihatagan una og tulo ka adlaw si Mendoza sa executive director sa Team aron makapahuway tungod hangtod sa Biyernes, Agosto 27, human maglisod gihapon siya og kaon tungod sa bun-og sa nawong.
Matod ni Mendoza, wala na siya nagtumar og tambal apan sakit gihapon ang iyang nawong nga naigo sa kumo.
Kini nga panghitabo magsilbi ni nga leksyon alang sa mga madakpan og traffic violation nga dawaton nila ang ilang sayop tungod nakalapas sila sa balaud sa trapiko sa dakbayan.
Gisuwayan sa Superbalita Cebu og kuhaan og habig si Santos apan nagdumili lang una kini og hatag sa iyang comment bahin sa isyu.
Matod sa kauban niya sa trabaho ubos sa opisina sa City Administrator’s Office nga gidawat na niya ang iyang pagkataktak sa trabaho og dili na niya buot pang padak-on ang isyu. (KFD)
0 Comments