Nakab-ot sa Sugbo ang usa ka mahinungdanong hitabo sa iyang pagpamakuna dihang niabot og usa ka milyon ang nabakunahan sa first dose sa Covid-19 vaccines sa Biyernes, Septiyembre 10, 2021.
Sa Septiyembre 9, 997,652 ka mga tawo sa Sugbo nabakunahan sa ilang first dose sa coronavirus disease 2019 (Covid-19), matod ni Dr. Mary Jean Loreche, tigpamaba sa Visayas Covid-19 Vaccination Operations Center (VVOC).
“Ibig sabihin, 2,000 plus na lang ang kakailanganin and we will be at our one million dose for our first dose (as of September 10),” matod ni Loreche sa Biyernes.
Samtang ang mga tawo sa Sugbo nga fully vaccinated niabot na og 666,391 sa Septiyembre 9, 2021.
Samtang mao kini ang kalamboan, ang mga ahensya sa kagamhanan ug non-government organizations naghiusa aron pagpahingusog sa mga pagpamakuna sa mga lokal nga kagamhanan sa lalawigan sa Sugbo.
Atol sa meeting nga gipasiugdahan sa Office of the Presidential Assistant for the Visayas (OPAV), nahukman nga ang Sugbo bahinon sa daghang mga sektor aron mas matutokan ang kampanya sa pagpamakuna.
Dunay unom ka mga sektor sa norte ug pito ka mga sektor sa south.
Tumong sa lakang mao ang pagseguro sa maayong pagpadagan ug luwas nga programa sa pagpamakuna sa nagkadaiyang mga lokal nga kagamhanan.
Ang unang tumong ning mao nga paagi mao ang pagkab-ot sa herd immunity alang sa Sugbo sa labing dali nga paagi.
Ang kakuwang sa personnel maoy nakakabag sa pagpatuman sa mga vaccination program sa nagkadaiyang mga LGU.
Ang mga volunteer maoy modumala sa nagkadaiyang mga sektor sa amihanan ug kasadpang mga dapit sa Sugbo.
Sa north sector, ang sector 1 langkuban sa Liloan ngadto sa Danao City ug mga isla sa Camotes.
Ang Sector 2 (Carmen ngadto sa Sogod); Sector 3 (Borbon ngadto sa Bogo); Sector 4 (Medellin ngadto sa Daanbantayan ug Bantayan Islands); Sector 5 (San Remegio ngadto sa Tuburan); ug Sector 6 Balamban ug Asturias).
Sa south, Sector 1 maglangkob sa City of Naga ngadto sa Carcar; Sector 2 (Sibonga ngadto sa Dalaguete; Sector 3 (Alcoy ngadto sa Oslob); Sector 4 (Samboan ngadto sa Malabuyoc); Sector 5 (Alegria ngadto sa Alcantara); Sector 6 (Ronda ngadto sa Barili); ug Sector 7(Aloguinsan ngadto sa Toledo City). (REV gikan sa PR)
1M nabakunahan sa 1st dose sa Sugbo
Source: Sonstar
0 Comments