Giluwas sa “special squad” sa Cebu City Disaster Risk Reduction and Management Office (CCDRRMO) ang usa ka iring nga na-trap sa Lunes sa buntag, Septiyembre 13, 2021 sa 8th floor sa San Marino Residences sa J. De Veyra St., North Reclamation Area, Dakbayan sa Sugbo.
Matod ni Ramil Ayuman, pangu sa CCDRMO sa interbyu sa Superbalita Cebu, nga unang gitawgan sa usa sa mga tenant sa mao nga condo ang Department of Veterinary Medicine and Fisheries (DVMF) nga ang iyang iring na trap sa gawas sa bentana sa ikawalong andana.
Kay wa man silay kapabilidad sa pag rescue sa mga high rise building, nanawag kanila si Dr. Jessica Maribojoc kalabot sa request sa pag-rescue sa iring.
Matod ni Ayuman nga dali niyang gipadad-an sa ilang “special squad” nga gibansay alang niini ang dapit.
Malampuson nilang na-rescue ang iring nga gikalipay kaayo sa tenant. (REV)
Iring na-trap sa bentana sa 8th floor, giluwas sa disaster personnel
Source: Sonstar
0 Comments