2 bag-ong kaso sa Covid-19 sa Oro

PADAYON nga single-digit kun wala na makaabot og 10 ka kaso sa coronavirus disease (Covid-19) ang natala sa Cagayan de Oro human duha ra ka mga residente ang mipositibo sa virus, sumala sa report sa City Health Office sa dakbayan.

Ang kinatibuk-ang ihap sa mga kumpirmadong kaso sa Covid-19 sa syudad anaa na sa 20,448.

Sumala sa report sa City Health Office, ang duha ka mga local index nga mga kaso usa ka 48-anyos nga lalaki ug 47-anyos nga babae. Silang duha residente sa Barangay Lumbia. Pulos bakunado pud sila.

Matud ni City Health Office medical officer Dr. Ted Yu, nakaadmit karon ang duha sa usa ka hospital sa syudad.

Ang Cagayan de Oro adunay 15 ka mga active cases, siyam niini na-admit sa Northern Mindanao Medical Center ug uban pang mga ospital sa syudad, ug unom ang mga outpatients.

Nakatala usab og duha ra ka coronavirus-positive nga kaso nga karon naka-recover human nagnegatibo ang resulta sa iyang repeat swab test.

Anaa na karon sa 19,582 ang ihap sa mga nakarekober nga mga kaso sa dakbayan.

Ang ihap sa mga namatay sa Covid-19 sa syudad anaa na sa 851.

Disclaimer

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce, or modify comments posted here without notice. Posts that are inappropriate will automatically be deleted.

Forum Rules

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

2 bag-ong kaso sa Covid-19 sa Oro
Source: Sonstar