Casimero posibleng mawad-an og balor

DILI ikalimod nga ang kakulian nga kasamtangang nasinati ni World Boxing Organization (WBO) bantamweight champion Johnriel Casimero adunay koneksyon sa panagbikil niya ug sa iyang management.

Ning puntoha, adunay posibilidad nga matangtangan si Casimero sa iyang korona kon dili niya mapamatud-an nga nasakit siya og gastritis nga maoy hinungdan sa kalit niyang pag-atras sa iyaha untang mandatory defense batok kang English Paul Butler sa miaging semana.

Adunay mga hugonhugon nga ang tiunay nga rason nga kalit lang miatras sa away ang gitawag og Quadro Alas mao ang problema niya pagkuha sa 118-pound weight limit.

Alang sa beteranong Filipino boxing analyst Atty. Ed Tolentino, dili unta magproblema si Casimero sa timbang kon nagiyahan pa siya sa conditioning expert nga si Memo Heredia sa iyang kampo.

Gipasabot ni Tolentino nga ang panagbikil ni Casimero ug MP Promotions head Sean Gibbons maoy hinungdan nga wala na nakatabang si Heredia sa lumad nga taga Ormoc City, Leyte.

Sa wala pa ang mga kahasol nga nasugatan ni Casimero, nakahimo siya’g grabeng langas diin posible niyang ikaharong sa usa ka unification bout sila si World Boxing Council (WBC) bantamweight champion Nonito “Filipino Flash” Donaire ug ang gitawag og “Monster” sa Japan boxing nga si Naoya Inoue, kinsa maoy tag-iya sa World Boxing Association (WBA) ug International Boxing Federation (IBF) bantamweight belts.

Matod ni Tolentino nga kon matangtangan og bakus si Casimero, hayan maglisod na kini pagkuha og dagkong mga away.

“Yung titulo hindi basta basta napupulot ‘yan. Iyan ang kanyang bargaining chip to get the big fights that he wants,” pasabot ni Tolentino.

“Kung matatanggalan siya ng korona, hindi na siya lalabanan ni Naoya Inoue. Ganun din si Donaire.”

Disclaimer

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce, or modify comments posted here without notice. Posts that are inappropriate will automatically be deleted.

Forum Rules

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

Casimero posibleng mawad-an og balor
Source: Sonstar