Maayong adlaw nimo. Gusto kong magpatambag sa akong problema sa akong asawa nga tigduol kaayo og mga lalake sukad pa sa una.
Karon nga minyo na mi, gatuo kong mausab siya pero kapila na nako siya masakpi nga dunay ka chat ug makig date niya og kauban sa office. Ang latest kay ang iyang classmate nga iyang ex sa high school. Nasakpan nako ang ilang chat ug tawganay nila og Fuckner. Kinsa may di maglagot nga bana kon magtawganay ang imong asawa ug laing lalake nga ingon ana?
Wa tuod silay giestoryahan nga makaduda but nganong ingon ana man ang ilang tawganay? Ingon niya friends ra sila kay minyo na pud ang lalake. Unya diay og minyo, maoy akong pangutana niya. Ako siyang gisudyaan adtong nangagi nga naa pa usa niya ka kauban nga nasakpan nako siyang nagsabak sabak sa lalake.
Iya ra ba kong hulgaon dayon og buwag kay nakahibawo siya nga in love kaayo ko niya. Unsa may akong buhaton aning akong asawa? Ingon ani man gyud ni siya.
RAM
Ram,
Nakasugat na ko og kaso nga sama sa imoha unya ander kaayo ang bana. Naa may mga babaye nga ingon ana, hilig makigsuod og mga lalake. Okay ra man unta na kon dalaga pa siya, apan minyo na man. Mao unta na ang itanom niya sa iyang utok.
Ayaw kahadlok anang hulga nga buwag tungod kay kinahanglan usab nga imong barugan ang imong pagkabana. Ayaw pagpayatak in the name of love kay naa man kay right nga mo assert as a husband. Kon uyab pa lang unta, wa kay mahimo. Apan sa kaminyuon, di na mahimo kay duna moy tamdan nga kasulatan ug balaud. Naa man gani sa balaud ang papel sa bana ug asawa nalatid kay sagrado baya ang kaminyuon.
Tan-awa kon unsa ang iyang reaction kon mag firm na ka sa imong kaugalingon.
NOY KULAS
kulassuper@sunstar.com.ph
Disclaimer
SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce, or modify comments posted here without notice. Posts that are inappropriate will automatically be deleted.
Forum Rules
Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!
Tambagi ko Noy kulas: Hilig og lalake
Source: Sonstar
0 Comments