Ang Cebu City adunay schedule nga three-day National Vaccination gikan niadtong Disyembre 15 hangtod sa 17 apan wala kini gidayon gumikan sa hulga ni Odette ug natagamtaman ang iyang kabangis dinhi sa Sugbo niadtong gabii sa Disyembre 16.
“We have to stop until further notice,” padayag ni Rama diin ang Cebu City adunay regular vaccination batok sa Covid-19 didto sa lainlaing mall ug eskwelahan.
Si Rama nagkanayon nga prayoridad sa Cebu City Government karon mao ang pagpabalik sa power supply gumikan sa kadaghan sa mga poste sa kuryente nga nangatumba ug mga punoan sa kahoy nga nangaluad ug nangaputol gumikan sa kakusog sa hangin dala ni Odette.
Sunod nga gihatagan og pagtagad sa mayor ug sa city Council nga gipangulohan ni Bise Mayor Dondon Hontiveros mao ang food supply sanglit libuan ka mga tawo ang anaa karon sa evacuation center ug ang tubig nga mainom.
Gihingusgan usab sa City Government ang paghawan sa kadalanan gikan sa mga kahoy ug poste sa kuryente nga natumba aron maagian na sa mga sakyanan para mapadali ang pagbiyahe sa mga tawo apil na ang paghatod sa mga supply sa pagkaon ug ubang batakang panginahanglan.
Si Dr. Jeffrey Ibones, pangulo sa Cebu City Health Department, niangkon nga sa pagkakaron lisod ipatuman ang pagpamakuna sanglit ang prayoridad sa mga tawo mao ang pag-ayo sa ilang naguba nga mga balay ug pagpangita og pagkaon samtang wala pa makabalik og trabaho ang katawhan.
Gipadayag ni Ibones nga maghuwat lang sila sa mando ni Rama kon kanus-a ipa-resume ang vaccination rollout sa Cebu City diin sa labing uwahing ihap, niabot na og 736,857 ang nabakunahan ug 504,394 kanila ang nakakumpleto na sa ilang bakuna batok sa Covid-19.
Disclaimer
SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce, or modify comments posted here without notice. Posts that are inappropriate will automatically be deleted.
Forum Rules
Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!
Vax rollout temporaryong gipahunong ni Mayor Rama
Source: Sonstar
0 Comments